Billetter til kommunale arrangement

Det er ikkje lov å bite! Det kan jo dei fleste vere einige i, men visste du at dette er ei av lovene i Noregs landslov, som vart skriven for 750 år sidan? «Er det lov?» er ei leiken og heilt nyskriven framsyning for småtrinna, der me utfordrar barnas sans for rettferd og dykkar ned i ei frisk og frodig middelalderverd. Du møtar hemngjerrige kongar, mordariske forbrytarar, staute tingmenn, krigerske riddarar, tiggarmunkar, og han som prøvde å få litt meir orden på det heile: Magnus Lagabøte. Gjer deg klar til å bli forundra, underhaldt, kanskje litt irritert, og i alle fall engasjert!  Skodespelar Lina Taule Fjørtoft står på scena, og Adele Lærum Duus har manus og regi i denne framsyninga, som er utvikla for Litteraturbåten Epos.